Bitxikeriak -

Goraipamena

Azkoitiko liburutegia munduko hamar ederrenen artean sartu dute

Arkitekturan espezializatua den 'AD' aldizkariak egin du zerrenda, Alemaniako bere edizioan. Aldizkariaren arabera, oso erakargarria da zeren eta lehengo denboretan tren-geltokia baitzen eraikina.

Azkoitiko liburutegia munduko ederrenetakoa da, ADen iritziz. Argazkia: EiTB.
Azkoitiko liburutegia munduko ederrenetakoa da, ADen iritziz. Argazkia: EiTB.
Azkoitiko liburutegia munduko ederrenetakoa da, ADen iritziz. Argazkia: EiTB.

EiTB.EUS | Erredakzioa

Whatsapp Facebook Twitter Telegram Email

Azkoitiko Jaizkibel Udal Liburutegia (Gipuzkoan dago) munduko hamar ederrenetakoa da; hala dio arkitekturan espezializatua den 'AD' aldizkariak, Alemaniako bere edizioan. Ikerketa egin duten adituen iritziz, Azkoitiko liburutegia oso erakargarria da zeren eta eraikina, lehengo denboretan, tren-geltokia baitzen.

Liburutegia izan baino lehen, eraikina Urolako trenaren geltokietako bat zen; geltokia itxi eta urte batzuk geroago, 2006an, liburutegia ireki zuten. Juan Beldarrain arkitektoak diseinatu zuen horretarako proiektua.

Ez da lehen golardoa Jaizkibel liburutegiarentzat; izan ere, 2007an, Espainiako Kultura Arkitektoniko eta Urbanistiko Jasangarriaren Saria jaso zuen.

Azkoitikoarekin batera, zerrendan, besteak beste, Txina, Mexiko, Finlandia eta Ingalaterrako liburutegi batzuk agertzen dira.

Hau zure interesekoa bada, baliteke beste gai hauek ere izatea
Albiste xelebreak Gaurko albisteak Gipuzkoa Azken kultur albisteak Azkoitia albisteak