Ekonomia -

Eusko Jaurlaritza

'Beharra' dagoen inguruetan kokatzeko eskatu dio Tapiak Mercadonari

Hori horrela, merkataritza guneak "krisiak gehien zigortu dituen inguruetan" ekonomia sustatuko duela espero du Eusko Jaurlaritzak.

‘Beharra’ dagoen inguruetan kokatzeko eskatu dio Tapiak Mercadonari. Argazkia: EiTB
‘Beharra’ dagoen inguruetan kokatzeko eskatu dio Tapiak Mercadonari.
‘Beharra’ dagoen inguruetan kokatzeko eskatu dio Tapiak Mercadonari. Argazkia: EiTB

Erredakzioa

Whatsapp Facebook Twitter Telegram Email

Eusko Jaurlaritzak ikerketa baten txostena aurkeztuko dio Mercadonari datozen hilabeteetan, EAEn "biziberritzeko beharra" duten inguruen berri emateko, supermerkatuak eraikitzeko orduan kontuan izan dezan. Hori horrela, merkataritza guneak "krisiak gehien zigortu dituen inguruetan" ekonomia sustatuko duela espero du Arantza Tapia Garapen Ekonomiko eta Lehiakortasun sailburuak.

Mercadonak 2014 amaieran edo 2015 hasieran ekingo dio supermerkatuak eraikitzeko lekuen bilaketa lanari. Enpresaren aurreikuspenen arabera, 1.000 lanpostu finko zuzen sortuko dituzte EAEn.

Tapiak PSE-EEk Legebiltzarrean egindako galdera bati erantzuteko azaldu duenez, Jaurlaritza Mercadonarekin jarri da harremanetan "sustapen ekonomikoa behar duten inguruen aldeko apustua" egin dezan.

Gaineratu duenez, Jaurlaritzak ikerketa bat egingo du eta horren emaitzak helaraziko dizkio Mercadonari. Txosten horretan agertuko dira "biziberritzeko beharra" duten eskualdeak, eta Mercadonak "ekonomia bultzatzeko eragile" izateko aukera duen lekuak.

Hau zure interesekoa bada, baliteke beste gai hauek ere izatea
Errusiaren inbasioak eragindako krisia Eusko Jaurlaritza berriak Mercadona berriak Ekonomia Eguneko albisteak Eguneko albisteak Supermerkatuak