Krisi Ekonomikoa -

Arcelor Mittal

Sestaoko langileak beste lantegietan kokatzea eskatu dute sindikatuek

Enpresaren beste lantegietan ordezkapenak egin ahal izatea proposatu dute langileen ordezkariek.

Sestaoko ACBko langileen manifestazio bat. EiTB
Sestaoko ACBko langileen manifestazio bat. EiTB
Sestaoko ACBko langileen manifestazio bat. EiTB

AGENTZIAK | ERREDAKZIOA

Whatsapp Facebook Twitter Telegram Email

Sestaoko ACBn geldialdiak irauten duen bitartean, langileei enpresaren beste lantegietan behin-behineko lanpostuak ematea eskatu dio enpresa batzordeak Arcelor Mittalen zuzendaritzari.

Batzordetik azaldu dutenez, langileak "urduri" daude, zuzendaritzak esan baitie oraindik ezin dutela zehaztu zenbat iraungo duen geldialdiak, eta hori merkatuen egoeraren araberakoa izango dela.

Horren ildotik, altzairuzko bobinen prezioak baldintzatuko du ACBren balizko irekiera, Europar Batasunak dumpingaren aurrean hartuko dituen neurrien zain.

"Zenbaki handiak izan beharko lirateke Europa Txinaren aurrean lehiakorra izan dadin. Europak erantzuten badu eta dumpingaren aurkako neurriak onartzen baditu, lehiakorrak izan gaitezke", esan dute.

Bestalde, langileen ordezkariek eta zuzendaritzak akordioa lortu dute Sestaoko fabrikan mantentze-lanak egiteko, ekoizpena berriz abiatzeko prest egon dadin.

Hau zure interesekoa bada, baliteke beste gai hauek ere izatea
Krisi ekonomikoa gaur Langabezia gaur Sestao argazkiak Azken ordukoa Bizkaia EAE albisteak Lana albisteak Ekonomia Eguneko albisteak Eguneko albisteak Burdingintza