Ekonomia -
Lan-ezbeharra
Langile bat hil da Olaberrian (Gipuzkoa) izandako lan-istripu batean
Karobi industrialdean jazo da ezbeharra, eguerdi aldera, Segurtasun Sailak jakinarazi duenez. Hildakoa gizonezkoa da, eta Hogei SA enpresan egiten zuen lan.
Agentziak | Erredakzioa
55 urteko langile bat hil da astelehen honetan Olaberrian (Gipuzkoa), Karobi industrialdean lanean ari zela, Eusko Jaurlaritzako Segurtasun Sailak jakinarazi duenez. Lazkaoko bizilaguna zen hildakoa, eta Hogei SA enpresan egiten zuen lan, iturrion arabera.
Ezbeharra 12:00ak aldera jazo da; oraindik argitu gabe dauden arrazoiengatik, pieza metaliko bat gainera erori zaio. Larrialdi zerbitzuak heldu direnerako, hilda zegoen langilea.
Pieza igotzeko erabiltzen ari zen eslinga apurtu egin da eta, ondorioz, behera erori da pieza, langilearen gainean.
Sindikatuek protesta deitu dute
ELAk eta LABek elkarretaratzea deitu dute hilaren 3rako, eguerdian, lan-istripua salatzeko. Karobi industria-gunean egingo dute protesta, Stee-eilas, EHNE eta Hiru sindikatuek ere deituta.
Bestalde, egun horretan eta ordu horretan, beste elkarretaratze bat deitu du CCOO sindikatuak, Karobiko sarreran.