Volkswagenek eutsi egingo die Landabengo inbertsioei eta enpleguari

Volkswagenek eutsi egingo die Nafarroako lantegian egiteko asmoa zuen inbertsioei eta enpleguari, Alfredo Morales (UGT) enpresa batzordeko presidenteak Alemaniatik baieztatu duenez.

Multinazionalak inbertsio guztiak berriz aztertuko dituela iragarri du gaur goizean, eta hainbat bertan behera uzteko edo atzeratzeko asmoa agertu du. Iragarpenak, baina, ez du eraginik izango Landabengo lantegian. Horrenbestez, Moralesek lasaitasuna igorri nahi izan die langileei.

Hain zuzen ere, Volkswagenek 900 milioi euroko inbertsioa egin asmo du 2019 urtea arte, Landabenen.