Ekonomia -

Kontzertu ekonomikoa

Elkarrizketaren ordez konfrontazioa nahi dutela salatu du Urkulluk

Lehendakariak azpimarratu du Kontzertu Ekonomikoa ez dela "pribilegioa", "aldebakarreko arriskua" suposatzen duen "erakundeen arteko ituna" baizik.

Iñigo Urkullu lehendakaria. Argazkia: Efe
Iñigo Urkullu lehendakaria.
Elkarrizketaren ordez konfrontazioa nahi dutela salatu du Urkulluk

0:56

agentziak | erredakzioa

Whatsapp Facebook Twitter Telegram Email

Iñigo Urkullu lehendakariak salatu du "fronteen" arteko talkaren bidez "konfrontazioa" bilatzen dela, "adostutako irtenbideak bilatzeko desberdinen arteko elkarrizketa politikoa" bilatu beharrean.

Bilboko Euskalduna Jauregian egin ditu adierazpenok Urkulluk, Zuzenbide Zibilaz egiten ari diren jardunaldiak Bakartxo Tejeria Eusko Legebiltzarreko presidentearekin eta Juan Luis Ibarra EAEko Justizia Auzitegi Nagusiko presidentearekin batera irekitzeko ekitaldian.

Urkulluk azaldu duenez, "euskal herritarrok ditugun erakundeak indarrean daude duela mende asko, eta tresna erabilgarriak dira". Kontzertu Ekonomikoa ez da "pribilejioa", baizik eta "aldebakarreko arriskua" suposatzen duen "erakundeen arteko ituna", erantsi du.

Horren inguruan, beharrezkotzat jo du "pedagogia egitea" eta Kontzertu Ekonomikoa defendatzea, zerga eta finantza erregimen "berezia" delako, "itundutako eskubide historikoa, Konstituzioak babesten eta Luxenburgoko Auzitegiak aitortzen duena".

Urkulluren iritzian, konfrontazioarena "ez da bide zuzena", eta "egungo errealitate politikoak itunak lortzeko gertutasuna eta elkarrizketa eskatzen ditu", gaineratu du.

Hau zure interesekoa bada, baliteke beste gai hauek ere izatea
Urkullu albisteak Kontzertu Ekonomikoa Ekonomia 2024 Gaurko azken ordukoa