Ekonomia -
Eskandalua Volkswagenen
Volkswagenek CO2 isurketei buruzko datuak ere manipulatu zituen
Orain arte irregulartasunak nitrogeno oxido isurketetan antzeman dituzte. Kaltetutako ibilgailuak 800.000 inguru dira.
AGENTZIAK | ERREDAKZIOA
Volkswagenen eskandaluak ez du etenik. Konpainiak berak jakinarazi duenez, karbono dioxido (CO2) isurketak neurtzerakoan ere irregulartasunak izan dira.
Ibilgailuen nitrogeno oxido isurketak gutxitzeko diesel motorrak manipulatu zituztela jakina zen. Baina orain irregulartasunak CO2 isurketetan ere izan direla aitortu dute.
Volkswagenek uste du beste 800.000 ibilgailu egon daitezkeela kaltetuta, gehienak diesel motordunak, baina momentuz ez dute argitu markak zeintzuk diren. Lehendabiziko kalkuluen arabera, kalte ekonomikoak 2.000 milioi eurokoak izan daitezke.
Irailean lehertu zen Volkswagenen eskandalua, isurketa kutsakorrak ezkutatzeko 9,5 miloi ibilgailuren motorrak manipulatu zituztela jakin zenean.
