Ekonomia -
Prezioak
EAEko inflazioaren urtebeteko indizeak behera egin du % 0,5 ekainean
KPIaren indizea hamarren bat igo da Nafarroan, maiatzean % 0,7koa eta ekainean % 0,8koa izan baita. Espainiako Estatuan, berriz, % 0,8 egin du behera.
agentziak | erredakzioa
Inflazioaren urtebeteko indizeak % 0,5 egin du behera ekainean EAEn, Etxebizitza, Garraioa eta Aisialdi eta Kultura sektoreen merkatzeagatik bereziki, baina prezioek % 0,5 egin dute gora maiatzekoekin alderatuta.
Espainiako Estatistika Institutuak gaur argitaratu duen Kontsumorako Prezioen Indizearen arabera, urtebeteko indizeak bi hamarren egin du behera, iazko ekainean % 0,7koa izan baitzen.
KPIaren indizea hamarren bat igo da Nafarroan hilabetean, maiatzean % 0,7koa eta ekainean % 0,8koa izan baita.
Espainiako Estatuan, berriz, % 0,8 egin du behera, erregaien eta lubrifikatzaileen merkatzearen eta elektrizitatearen garestitzearen ondorioz.
