Ekonomia -
Kontsumorako Prezioen Indizea
Urte arteko KPIa % 2,6ra igo da EAEn eta % 2,3ra Nafarroan, apirilean
Aisialdiko zerbitzuen eta kulturaren garestitzeak bultzatuta igo da, batez ere, urte arteko inflazioa
AGENTZIAK | ERREDAKZIOA
Urte arteko Kontsumorako Prezioen Indizea (KPI) % 2,6ra igo da Euskal Autonomia Erkidegoan (EAE), aisialdiko zerbitzuen eta kulturaren garestitzeak bultzatuta garestitzeak, Espainiako Estatistika Institutuak gaur argitaratutako datuen arabera.
Halaber, urte arteko Kontsumorako Prezioen Indizea % 0,3 igo da apirilean; izan ere, martxoan ere % 2,3koa izan zen.
Lurraldez lurralde, urte arteko inflazioa % 2,4koa izan da Gipuzkoan, % 2,5ekoa, Araban eta % 2,7koa, Bizkaian. Martxoko datuekin alderatuta, berriz, Araban igo dira prezioak gehien (% 1,2), Gipuzkoaren (% 0,9) eta Bizkaiaren aurretik (% 0,8).
Nafarroan ere, % 2,3ra igo da urteko arteko KPIa apirilean. Halaber, inflazioa % 0,8 handitu da martxoko datuekin alderatuta.
Bestalde, Espainian % 2,6 igo da urte arteko inflazioa apirilean, martxoan baino hiru hamarren gehiago. Aste Santua apirilean izan zen, eta pakete turistikoen eta ostatuen garestitzeak bultzatuta egin dute gora prezioek.
