Ekonomia -
Automobilgintza
Gestampek Erandioko SMA trokel egilea erosi du
Bost milioi euro ordaindu ditu 146 langile dituen matrize enpresa, Matrinor zena, erosteko.
agentziak | erredakzioa
Gestampek Erandioko SMA matrize ekoizlearen (aurretik Matrinor zena) industria jarduera erosi du bost milioi euroren truke, automobilgintza alorreko enpresak jakitera eman duenez.
SMAk 146 langile ditu, eta hornidura kontratua zuen Gestampekin, automobilgintzako piezen moldeak ekoizteko lan egiten baitzuen beretzat modu esklusiboan.
Matrinor 2001ean inauguratu zuten, Cenemsa-Westinghouse zenaren lantegian. Gero, krisi bat igarota, saldu egin zuten eta SMA izena jarri zioten.
Gestampek EAEn izango duen seigarren lantegia izango da. Abadiñokoa da garrantzitsuena, eta beste lau trokel ekoizleak dira: Deriokoa, Zamudiokoa, Muskizkoa eta Erandiokoa. Seigarrena Gipuzkoan dago, eta prentsak egiten ditu. Guztira 2.000 langiletik gora ditu Gestampek EAEn.