Publizitatea
X

Irratia zuzenean

Euleneko langileek proposamena errefusatu eta grebari eutsi diote Praten

Ekonomia

Lan-gatazka

Euleneko langileek proposamena errefusatu eta grebari eutsi diote El Praten

agentziak | erredakzioa

2017/08/10

Langileek 15 soldatatan 250 euro gehiago jasotzearen alde egin dute.

0:52
  • Partekatu
  • Bidali

Iruzkinak

Bartzelonako El Prat Aireportuko segurtasunaz arduratzen diren Eulen enpresako langileek errefusatu egin dute Generalitateko bitartekariaren proposamena (enpresak onartutakoa), 12 ordainketatan soldata 200 euro handitzea proposatzen zuena; beraz, ostiraleko eta igandeko greba partzialei eta astelehenetik aurrerako mugagabeei eutsi diete.

Langileek aukera ugari zituzten botoa emateko: 200 euroko igoera 12 soldatatan (Generalitateko bitartekariak proposatutakoa), 200 euroko igoera 15 soldatatan, 250 euroko igoera 12 soldatatan, 250 euroko igoera 15 soldatatan edo 350 euroko igoera 15 soldatatan. Bozketan, gehiengoak laugarren aukeraren alde egin du; 15 soldatatan 250 euroko igoera izatearen alde, alegia.

Eulenek Bartzelonako aireportuan dituen 350 langileetako 176k eman dute botoa.

Irabazi duen aukerak 89 boto lortu ditu, eta 15 soldatatan 200 euroko igoera aurreikusten duena geratu da bigarren, 82 botorekin.

Greba batzordea bigarren geratu den aukeraren aldekoa zen, enpresaren eskaintzara gerturatze aldera, baina hasieran eskatutako baldintzak nabarmen murriztuta, 350 euroko igoera 15 soldatatan egitea eskatzen baitzuten.

Horren aurrean, ostiralean eta igandean ordubeteko lanuzteak egingo dituzte 06:30ean, 10:30ean, 14:30ean eta 18:30ean, eta greba mugagabea jarriko dute abian astelehenetik aurrera, akordiorik lotzen ez badute.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena