Ekonomia -

Sestaoko La Naval

Manuel del Dago enpresariak La Naval bereganatzeko eskaintza egingo du

ETBk jakin ahal izan duenez, enpresari asturiarrak datorren astean egingo du La Naval bereganatzeko eskaintza zehatza.

Sestaoko La Naval. Argazkia: EFE
Sestaoko La Naval. Argazkia: EFE
Del Dago enpresaburuak La Naval bereganatzeko eskaintza egingo du

1:14

EITB.EUS

Whatsapp Facebook Twitter Telegram Email

Manuel del Dago enpresari asturiarra datozen egunetan etorriko da Sestaora eta La Naval bereganatzeko eskaintza irmoa eta loteslea egingo du, Euskal Telebistari enpresariaren inguruko iturriek jakinarazi diotenez.

Antza, aurrekoan, epeak oso estuak zirela iritzita eta berarekin lanean ari zen diru funtsa ados ez zegoelako egin zion uko proposamen bat egiteari.

Orain, 31 miloi eurorekin itzuliko da, eta ekarpena handiagoa izan liteke beharrezkoa balitz.

Hori bai, berri ona izan arren, La Naval hartzekodunean konkurtsoan sartuko da. Horrelako prozeduretan adituak direnek ETBri esan diotenaren arabera, hartzekodunen konkurtsoan sartutakoan egingo luke kapitalaren ekarpena.

Nolabait esateko, enpresa arazoarekin eta irtenbidearekin joango litzateke auzitara. Ohiko prozedura da kasu hauetan, hartzekodunen konkurtsoan zorrak kitatu daitezkeelako.

Hau zure interesekoa bada, baliteke beste gai hauek ere izatea
Ukraina-Errusia gerrak eragindako krisia Sestao argazkiak Lana albisteak Ekonomia 2024 Gaurko azken ordukoa