Publizitatea
X

Irratia zuzenean

Planetak egoitza soziala Madrilera eramango duela iragarri du

Ekonomia

Katalunia

Planetak egoitza soziala Madrilera eramango duela iragarri du

Agentziak | Erredakzioa

2017/10/11

Konpainiaren ustez, beharrezkoa da egoitza soziala Kataluniatik ateratzea “akziodunen, langileen eta enpresa proiektuaren interesak babesteko”.

  • Planeta konpainiaren egoitza. Argazkia: EFE

    Planeta konpainiaren egoitza. Argazkia: EFE

    Planeta konpainiaren egoitza. Argazkia: EFE
  • Partekatu
  • Bidali

Iruzkinak

Planeta konpainiako administrazio kontseiluak egoitza soziala Madrilera eramatea erabaki du, Carles Puigdemont Generalitateko presidenteak Katalunia estatu bat izan behar dela onartu ondoren. Hala ere, independentziaren ondorioak etetea proposatu zuen, Espainiako Gobernuarekin hitz egiteko.

Independentzia aldarrikatzekotan sortuko litzatekeen “segurtasun juridikorik eza” azpimarratu zuten konpainiako iturriek astelehenean.

Konpainiaren ustez, beharrezkoa da egoitza soziala Kataluniatik ateratzea “akziodunen, langileen eta enpresa proiektuaren interesak babesteko”.

Hala eta guztiz ere, egoitza soziala lekualdatzeak ez du beharginen mugimendurik ekarriko; izan ere, taldeak egoitzak ditu Espainiako beste hiri batzuetan.

Multinazionala

Planeta Espainiako lehen talde editoriala da. Komunikazio enpresak kapital familiarra du, eta kultura, hezkuntza, informazioa eta ikus-entzunezko entretenimendua eskaintzen ditu.

Jose Manuel Lara Hernandezek 1949an sortu zuen Planeta, Bartzelonan. Multinazional bihurtu da, eta Espainian, Frantzian, Portugalen eta Latinoamerikan leku inportantea du.

Merkatuko liderra da Latinoamerikan eta Espainian, 100 zigilu editorial baino gehiago ditu, literatura genero guztiak hartzen ditu bere barnean, eta 15.000 idazle klasiko eta idazle garaikideak biltzen dituen katalogoa du.

Iruzkinak

Publizitatea
Publizitatea

NAHIERAN Ikusi berriro ETBko albistegiak NAHIERAN
Erreportajeak Aktualitateari buruzko elkarrizketak. Erreportajeak
Publizitatea
Publizitatea

Bisitatuena

    Kargatzen ikusiena
        Kargatzen ikusiena