Ekonomia -

Erabakia

Hipoteken zergak eta gastuak bezeroek ordaindu behar dituztela ebatzi du Gorenak

Notarioaren gastuak dira bankuak eta erabiltzaileak erdibana ordaindu behar dituzten bakarrak.

Argazkia: EiTB
Argazkia: EiTB
Argazkia: EiTB

AGENTZIAK | ERREDAKZIOA

Whatsapp Facebook Twitter Telegram Email

Auzitegi Gorenak ebatzi duenez, bezeroek ordaindu behar dituzte hipoteka bat sinatzean sortzen diren gastuak eta zergak, ez bankuek.

Lehen Aretoaren osoko bilkurak kontsumitzaileek aurkeztutako bi helegite aztertu ditu. Hain zuzen ere, gastu guztiak euren esku uzten zituzten klausulen aurka egin zuten bezeroek.

Gorenak erabaki duenez, baina, zergak kontsumitzaileek ordaindu behar dituzte, eta notarioaren gastuak dira bankuak eta erabiltzaileak erdibana ordaindu behar dituzten bakarrak.

Gorenaren erabakiak ez ditu adituak ezustean harrapatu. Hipotekadunen ikuspegitik ebazpen “etsigarria” dela azpimarratu dute abokatu-bulegoek, baina bere “logika” teknikoa duela onartu dute.

Jose Miguel Blasco Lean Abogados bulegoko bazkideak adierazi duenez, Gorenaren erabakia espero zutena izan da, zerga legediak markatzen duen araudia aplikatu duelako.

Notarioaren agiriak

Hala ere, notarioaren agiriei dagokienez, eskriturako ondoaren tasa bezeroaren eta bankuaren artean erdizka ordaindu beharko dute, Auzitegi Gorenak zehaztu duenez.

Kopiei dagokienez, ostera, hipoteka eskatzen duenak ordaindu beharko dituela erabaki du Gorenak.

Hau zure interesekoa bada, baliteke beste gai hauek ere izatea
Auzitegi Gorena albisteak Espainia argazkiak Hipotekak berriak Ekonomia 2024 Albisteak Gaur Albisteak Etxebizitzen merkatua