Gizartea -
Igandeko angelusean
Aita santuaren arabera, Elizak berritzea du helburu
Benedikto XVI.ak zuzendutako azkenaurreko angelusean, bera gogoan hartuta, otoitz egiten jarraitzea eskatu die fededunei.
Erredakzioa
Milaka lagun izan dira igande honetan Benedikto XVI.ak zuzendutako azkenaurreko angelusean. Aita santuak bertan egotea eskertu die, eta bera gogoan hartuta, otoitz egiten jarraitzeko eskatu die fededunei.
"Bihotz bihotzez eskertu nahi dizkizuet zuen errezoak. Otoitz egiten jarraitzea eskatuko dizuet, ni eta aita santu berria gogoan hartuta", esan die Benediktok, "gaur arratsaldean ariketa izpiritualak hasiko ditut Erromako Kuriako kideekin batera".
Aita santuak adierazi duenez, Elizak kideak berritzea du helburu. Halaber, Eliza amodioan bizi nahi duela eta harrotasunari muzin egin nahi diola azpimarratu du.
