Gizartea -
76. urteurrena
Durangoko bonbardaketako biktimak oroitu dituzte
Bonbardaketa gertatu eta 76 urte geroago, hildako 336 lagunak oroitu dituzte.
Erredakzioa
Durangok Gerra Zibilean hildako lagunak oroitu ditu, eta bereziki, 1937ko martxoaren 31n gertaturiko bonbardaketan hil ziren 336 pertsonak.
Bonbardaketa gertatu eta 76 urte geroago, Iñigo Urkullu lehendakaria eta Jose Luis Bilbao Bizkaiko ahaldun nagusia egon dira bertan, besteak beste.
Durangoko hilerrian egin duten lore-eskaintza batekin hasi dute ekitaldia.
Aitziber Irigoras alkateak gerra guztiak gaitzetsi ditu. "Gerra guztiak berdinak dira, mendekura eramaten gaituzte, suntsiketara, gosera eta gorrotora", esan du.