Gizartea -
Euskal Encounter
Kalkulu matematikoaren munduko markarik onena hautsi dute Bilbon
Euskal Encounterreko 21. edizioko parte-hartzaileek lau egunetan 2,5 milioi giga informazio mugitu dituzte.
Erredakzioa
'HiCookie' taiwandarrak larunbat gauean kalkulu matematikoaren abiadura erregistroak "hautsi" zituen sekulako frogan, Euskal Encounter-en 21. edizioa mundu mailako marka bat hautsiz itxiz. 47 segundo-milaren murriztu du marka, antolatzaileek jakitera eman dutenez.
‘HiCookie ‘ “overcloking-aren legenda bat da, sufritu egin zuen marka hausteko, eta bere ordenagailua 0pean130 gradura jaitsi behar izan zuen egonkor mantentzeko, prozesadorea exijentzia handia eskatzen baitzion”, azaldu dute.
Froga Pi zenbakian oinarritutako milioi bat kalkulu matematiko egitean zetzan. Arrakastarik gabeko hainbat saiakera egin ostean, 5,453ko denbora lortu zuen, hau da, aurreko marka baino 47 segundo-milaren gutxiago.
Overclocking modalitateak ordenagailuen prestazioa hobetzea bilatzen du, balioak gehituz, besteak beste, errendimendu handiena lortzeko frekuentzia.
Euskal Encounterreko 21. edizioko parte-hartzaileek lau egunetan 2,5 milioi giga informazio mugitu dituzte, Bilbao Exhibition Center-en (BEC).
