Gizartea -

Zaintza partekatua

Emakunde: 'Zaintza partekatuak ez luke lehentasuna izan behar'

Izaskun Landaidaren ustez, seme-alaben zaintza partekatuak aukera egokiena dirudi banatzera doazen bikotekide biek horren alde egiten badute, desadostasun kasuetan dator ordea arazoa.

Izaskun Landaida, Emakunde
Izaskun Landaida, Emakunde
Botere judiziala, zaintza partekatua inposatuta izatearen aurka

1:14

Erredakzioa

Whatsapp Facebook Twitter Telegram Email

Izaskun Landaida Emakundeko zuzendariak adierazi duenez, "seme-alaben zaintza partekatua emateko, gurasoek ardurak jaio direnetik hartu dituztela baloratu behar da, ez bikotea banatu denetik".

"Arduren banaketa lehen unean hasten bada, gurasoek zaintza partekatua izateko eskubidea dute banatzen direnean. Zenbait kasutan, ordea, adingabekoen ardurak ez dira aintzat hartzen eta zaintza partekatua defendatzen da. Harrigarria da hori", adierazi du.

X. Berdintasunerako Gunearen irekieran egin ditu adierazpen horiek Landaidak. Zaintza partekatua izango da foroan jorratuko den gaietako bat.

Adierazi duenez, Emakundek beti egin du familia-erantzukizunaren alde, hau da, emakume zein gizonezkoek adingabekoei eta menpekotasunak dituzten pertsonei arreta bera eskaintzearen alde. "Kasu horietan, zaintza partekatua da eredu egokiena", esan du.

Landaidaren aburuz, "zaintza partekatuak aukera bat gehiago izan behar du epailearentzat. Lehenik eta behin, haurraren beharrak izan behar dira kontuan, eta kasuak banan banan aztertu behar dira". Egungo legediak zaintza mota hori ahalbidetzen duela gogoratu du.

"Zaintza mota hori gurasoen arteko akordioaren ondoren eman behar da, zaila baita bestela aurrera eramatea", amaitu du.

Hau zure interesekoa bada, baliteke beste gai hauek ere izatea
Euskal Autonomia Erkidegoa Emakunde berriak Gizartea albisteak Prentsa digitalaren azken orduko Eguneko albisteak Nerabezaroa albisteak Gurasoak albisteak