Gizartea -
Mezua Castro epaileari
Nóos auziaren 'martirioarekin' amaitzeko eskatu du Errege Etxeak
Rafael Spottorno Errege Etxeko arduradun nagusiak ez du instrukzioaren amaierak Palmako dukeengan izan ditzakeen ondorioez hitz egin nahi izan.
Erredakzioa
Errege Etxeak Nóos auziaren instrukzioarekin amaitzeko eskatu du, prozesuak hiru urte bete dituela eta denbora horretan ateratako informazioak eta filtrazioak Errege Etxearentzat "martirioa" izan dela argudiatuta.
Adierazpenok Rafel Spottorno Errege Etxeko arduradun nagusiak egin ditu TVEn egindako elkarrizketa batean. Spottornok, hala ere, ez du instrukzioaren amaierak Palmako dukeengan izan ditzakeen ondorioez hitz egin nahi izan, baina "zenbait hipotesi" buruan dituztela aitortu du.
"Justizian konfiantza izan behar dugu. Guk magistratuaren erabakiak beti errespetatu ditugu. Eta eskatzen dugun gauza bakarra, prozesua azkar amaitzea da. Sumarioak hiru urte eman ditu zabalik. Egin beharreko guztiak egin dituztela uste dut, eta magistratua sumarioa ixteko moduan dagoela ematen du, hedabideek diotenaren arabera", esan du Spottornok.