Butano-gasa arnastu duen bikote bat ospitaleratu dute, Basaurin

35 urteko bizilagun bat eta horren bikotekidea Gurutzetako Ospitalera eraman dituzte bart, butano-gasa arnasteagatik. Bikotearen etxebizitzako berogailuak matxura bat izan du eta, ondorioz, intoxikatu egin dira.

Ertzaintzak jakitera eman duenez, gertaera 21:15ean jazo zen, Basauriko Particular de Asturias kaleko lehenengo zenbakian.

Bikoteak gasa usaina atzeman zuen etxean eta, zorabiatuta sentitu ondoren, telefonoz larrialdi zerbitzuetara hots egin zuten.

Anbulantzia batek Gurutzetako Ospitalera eraman zituen.