Gizartea -

Charlie Hebdo

Milaka pertsonak Pariseko atentatua salatu dute, arkatzak eskuetan

Kazetarien Sindikatu Nazionalak (SNJ) deituta, adierazpen askatasuna babestu eta 12 pertsonen hilketa gaitzetsi dute.

Kontzentrazioa Parisen. Argazkia: Efe
Kontzentrazioa Parisen.
Isilik geratu da Paris atentatua gaitzesteko

1:40

Erredakzioa

Whatsapp Facebook Twitter Telegram Email

Milaka pertsona bildu dira, Frantziako Kazetarien Sindikatu Nazionalak (SNJ) deituta, Pariseko Errepublika plazan, Charlie Hebdo aldizkari satirikoak jasan duen eraso terrorista salatzeko eta biktimei elkartasuna adierazteko.

Kontzentrazioan, aldizkariaren aldeko pankartak erakusteaz gain, Mahomaren karikaturak ere erakutsi dituzte. Gainera, arkatzak eta axotak eskuetan ere egin dute protesta, adierazpen askatasunaren aldeko aldarri gisa.

Pariseko elkarretaratzearekin batera, protestak egin dituzte Tolosan (Okzitania), Nantesen eta Lillen ere. Frantziako Estatuko hedabideetako erredakzioetan ere minutuko isiluneak egin dituzte, aldizkariari babesa adierazteko.

Hau zure interesekoa bada, baliteke beste gai hauek ere izatea