Gizartea -
Gertakaria Gipuzkoan
Gizon baten gorpua kiskalita aurkitu dute Aretxabaletan
Biktima Apotzaga-Etxebarri auzoko baserri baten bizilaguna da. Antza denez, istripu bat izan da. Hildakoaren arropek su hartu dute eta ezin izan ditu itzali.
Erredakzioa
Aretxabaletako (Gipuzkoa) Apotzaga-Etxebarri auzoko baserri baten alboan gizon baten gorpu kiskalia topatu dute arratsaldean.
Biktima Apotzaga-Etxebarri auzoko baserri baten bizilaguna da. Antza denez, istripu bat izan da, Segurtasun Sailak jakitera eman duenez.
Gorpua 18:20 aldera aurkitu dute. Ertzaintza berehala bertaratu da gertakaria ikertzeko.
60 urteko biktimaren arropek su hartu dute galdara bat pizten ari zela. Sua itzaltzen saiatzeko alboko landara ihes egin du, baina ez du lortu.
Gorpua Donostiako Auzitegiko Medikuntza Institutura eraman dute autopsia egiteko eta heriotzaren arrazoiak argitzeko.