Gizartea -

Frantziako atentatuak

'Charlie Hebdo'ren hurrengo portada: 'Dena barkatuta dago'

Mahoma ale berriaren portadan agertuko da, "Ni naiz Charlie" kartel bat eskuan.

'Charlie Hebdo' astekariaren ale berria asteazkenean jarriko dute salgai
'Charlie Hebdo' astekariaren ale berria asteazkenean jarriko dute salgai
'Charlie Hebdo' astekariaren ale berria asteazkenean jarriko dute salgai

Erredakzioa

Whatsapp Facebook Twitter Telegram Email

Charlie Hebdo astekari frantziar satirikoak Mahomaren karikatura bat izango du atentatuaren ostean publikatuko duen lehen alearen portadan. Islamiarren profeta negarrez agertuko da, "Je suis Charlie" (Ni naiz Charlie) dioen kartel bat eskuan. Goian, esaldi bat: "Tout est pardonne" (Dena barkatuta dago).

Liberation egunkariak eman du portadaren berri, aldizkariaren langileak hedabide horren bulegoetan ari baitira lanean sarraskiaren ostean.

Charlie Hebdo hedabideak zuzendaria, zortzi kazetari eta lau marrazkilari galdu zituen atentatuan.

Aldizkari berria asteazken honetan kaleratuko dute. 3 milioi ale banatuko dituzte (normalean 60.000 inprimatu ohi dituzte), eta bildutako diru guztia biktimen senideei emango diete.

Astekariaren abokatuak, Richar Malkak, hurrengo alean Mahomaren karikaturak eta politikarien eta erlijiosoen aurkako txisteak publikatuko dituztela aurreratu du azken egunetan, "hori baita Ni naiz Charlieren espiritua".

"Ez dugu inoiz amore emango; bestela, honek guztiak ez luke zentzurik izango", esan du.

Hau zure interesekoa bada, baliteke beste gai hauek ere izatea
Paris Frantzia bideoak Jihadismoa