Gizartea -
Indarkeria Matxista
Gizon batek emaztea hil du Alacanten eta Alemanian entregatu da
Hilketa Alacanten egin ondoren, Alemaniara joan da, egindakoa Alemaniako Poliziaren aurrean aitortzera. Senar-emazteak alemaniarrak ziren.
Erredakzioa
Gizonezko batek emaztea hil omen zuen joan den astean Orba udalerrian (Alacant), eta bart bere burua entregatu eta egindakoa aitortu du Alemaniako Poliziaren aurrean. Senar-emazteak alemaniarrak ziren.
Ikerketako iturrien arabera, gizonezkoak aitortu egin du emaztea hil zuela joan den astean Orbako etxebizitza batean. Horren berri jasotakoan, Alemaniako Poliziak Guardia Zibilari eman dio horren berri, , Interpolen bidez, eta gaur goizean Guardia Zibileko hainbat agente Orbako etxebizitza horretara joan dira eta emakumea hilda aurkitu dute bertan. Gorpuak indarkeriaren arrastoak omen zituen.
Ustezko hiltzailea atxilotuta dago, Alemanian.
