Trafikoa -
Gertakaria
Bi emakume larri, Gasteizen izandako bi istriputan
Auto batek 15 urteko neska bat harrapatu du bart Zabalgana auzoan. Goizean, 50 urteko emakume bat harrapatu du beste auto batek.
Erredakzioa
Bi emakume, horietako bat adingabea, larri zauritu dira Gasteizen azken orduotan jazotako bi harrapaketen ondorioz.
Bart, 22:00ak aldera, auto batek 15 urteko neska bat harrapatu zuen Zabalgana auzoan, Nazio Batuen hiribidean, 45. zenbakiaren parean. Neska bidea zebrabidetik gurutzatzen ari zen autoak harrapatu zuenean.Istripuaren ondorioz, larri zauritu zen, eta Santiago Ospitalera eraman zuten, Gasteizko Udaltzaingoak jakinarazi duenez. Gaur goizean, 08:00ak aldera, Betoño atea kaleko 6. zenbakiaren inguruan jazo da bigarren harrapaketa. Auto batek kalea zebrabidetik kanpo gurutzatzen ari zen 50 urteko emakume bat harrapatu du.
Emakumeak burezurreko traumatismoa du, eta Santiago Ospitalera eraman dute, larri.