Gizartea -
Huescan
Bi lagun zauritu dira Pirinotan hiru lur-jausien ondorioz
Hiru puntutan izandako lur-jausiek 20 lagun guztira harrapatu ditu, baina bi pertsona baino ez eraman behar izan dituzte ospitalera.
Erredakzioa
Bi lagun zauritu dira igande honetan Huescako Pirinioetan izandako hiru lur-jausien ondoriz, Huescako Guardia Zibilak jakitera eman duenez. Lur-jausiak hiru tokitan jazo dira, 13:00ak eta 14:30ak artean. Lur-jausiek 20 lagun guztira harrapatu ditu, baina bi baino ez eraman behar izan dituzte ospitalera.
Lehenengo lur-jausia Linzako Aterpearen eta Petrafichako tontorraren artean izan da, Ansoko udalerrian. Elur-erraketekin bertatik ibiltzen ari zirela, lur-jausia izan da. Inor ez da elurraren azpian harrapatuta geratu, baina lagun bat ospitalera eraman behar izan dute. Jakako Mendi-Erreskaterako hainbat kide, Guardia Zibileko helikoptero bat eta 061 zerbitzuko mediku bat bertaratu dira.
Ondoren, lur-jausi txikia jazo da Tubos de Padernan, Benasqueko udalerrian. Bertan 18 lagun zeuden mendi-eskia egiten. Emakumezko bat Huescako San Jorge Ospitalera eraman behar izan dute, lur-jausiaren ondorioz hanka apurtu duelakoan. Erreskate honetan Benasqueko Guardia Zibileko Mendi-Erreskaterako kideek eta 061 zerbitzuko mediku batek parte hartu dute.
Azken lur-jausia Formigaleko eski-estazioan gertatu da, Tres Hombres pistaren eskuinaldean, estazioko instalazioetatik kanpo. Bertan bi lagun zeuden eskiatzen. Eskiatzailetako bat elurraren azpian harrapatuta geratu da, eta eski-estazioaren segurtasunerako hainbat langilek lagundu dute. Zauritu hori bere kabuz heldu da Escarrillako osasun-zentrora.