Euskara ez da ofiziala izango Uztaritzen

Ez da ezustekorik gertatu, eta Paueko Auzitegiak atzera bota du euskara hizkuntza ofizial izendatzeko Uztaritzeko Udalak hartu zuen erabakia.

Euskara ofizial izendatuz, Udalak frantsesa baztertzen zuela argudiatu zuten epaiketan, erabakiaren kontra.

Uztaritzeko Udalak, aldiz, argudiatu zuen egunero praktikan egiten ari direna ofizial bihurtu nahi izan zutela. Paueko Auzitegiak, ordea, ez du onartu euskararen ofizialtasuna.