Gizartea -
Barakaldon
Gizon bat atxilotu dute, labana batekin zenbait gazte mehatxatzeagatik
Hainbat lokaletan zeuden gazteak kikildu ditu 25 urteko atxilotuak, Barakaldoko Santa Teresa auzoan.
Erredakzioa
25 urteko gizonezkoa atxilotu dute Barakaldon (Bizkaia), labana handi batekin hainbat gazte mehatxatzea egotzita, Eusko Jaurlaritzako Segurtasun Sailak jakitera eman duenez. Santa Teresa auzoan kokatutako hainbat gazte-lokaletan zeuden zenbait gazte kikildu ditu atxilotuak.
Larunbat honetako 23:00ak aldera, abisua jaso ostean, Ertzaintzako patruila bat Santa Teresa auzora abiatu da. Bertan gizonezko bat, labana handi batekin mehatxatuz, hainbat gazteren dirua eta sakelako telefonoak lapurtzen saiatu da. Gazteak Santa Teresa auzoan kokatutako gazte-lokaletan zeuden.
Bertara hurbildutako agenteek gizonezkoa aurkitu eta atxilotu egin dute. Atxiloketaren unean bi labana atzeman dizkiote, eta indarkeriaz egindako lapurreta leporatu diote.