Gizartea -

Genero indarkeria

Amagoia Elezkanoren hilketaren epaia berretsi du EAEko Auzitegiak

Defentsak eta Fiskaltzak aurkeztutako helegite bana atzera bota ditu eta Arabako Lurralde Auzitegiak ezarritako zigorra berretsi du.

Amagoia Elezkano, epaiketa
Amagoia Elezkano, epaiketa
Amagoia Elezkano, epaiketa

Erredakzioa

Whatsapp Facebook Twitter Telegram Email

Amagoia Elezkano hiltzeagatik Francisco Javier M.Nri Arabako Lurralde Auzitegiak ezarritako 22 urte eta sei hilabeteko kartzela-zigorra berretsi du EAEko Justizia Auzitegi Nagusiak.

2013ko maiatzaren 23an jazo zen hilketa, Laudion (Araba). Francisco Javier M.Nk hainbat sastada egin zizkion 27 urteko Amagoia Elezkano bikotekideari.

Francisco Javier M.Nri azpikeriaz eta basakeriaz egindako hilketa delitua egotzi zion Arabako Lurralde Auzitegiak, astungarri bat (bikote izatearena) eta aringarri bat (krimena aitortu izana) onartuta.

Epaiari helegite bana aurkeztu zieten akusatuaren defentsak eta Fiskaltzak. Lehenak basakeria astungarria kentzea eskatu zuen, eta bigarrena ez zetorren aitortzaren aringarriarekin bat.

Dena dela, helegiteak baztertu ditu EAEko Auzitegi Gorenak, eta Lurralde Auzitegiak ezarritako zigorra berretsi du.

Hau zure interesekoa bada, baliteke beste gai hauek ere izatea
Indarkeria matxista Araba Gizartea albisteak Gaurko titularrak Eguneko albisteak Mundu matxista Erailketak albisteak EAEko Justizia Auzitegi Nagusiaren epaiak