Desagertutako 16 urteko basauriar baten bila ari da Ertzaintza

Ertzaintza eta Basauriko (Bizkaia) Udaltzaingoa adin txikiko -16 urte- gazte baten bila ari dira, atzo, ostirala, arratsaldean udalerri bizkaitarraren inguruetan desagertu eta gero.

Segurtasun Sailak Europa Press albiste agentziari jakinarazi dionez, gaztearen familiak Basauriko Udaltzaingoari gertatutakoaren berri eman zion, atzo arratsaldean harremanetan jarri ezinik egon ostean. Ertzaintzak 22:00etan jaso zuen abisua eta, orduan, abiarazi zuen bilaketa.

Gazteak ile beltza eta azal beltzarana du, argala da. Kirola egiteko arropa zuen jantzita, beroki gorria eta motxila urdina.

Antza denez, Bouletako metro geltokitik jaitsi zen ostiralean, 20:00etan, eta hori da, hain justu, gaztearen gainean dituzten azken datuak.