Gizartea -

Araban

Gizon bat atxilotu dute Gasteizen bikotekidea jotzeagatik

Emakumea etxeko komunean ezkutatu da eraso gehiago ez jasateko, Segurtasun sailak jakitera eman duenez.

Erredakzioa

Whatsapp Facebook Twitter Telegram Email

Ertzaintzak 26 urteko gizon bat atxilotu du Gasteizen bikotekidea jotzeagatik. Emakumea etxeko komunean ezkutatu da eraso gehiago ez jasateko, Segurtasun sailak jakitera eman duenez.

Goizeko bostak eta erdian emakume batek larrialdi zerbitzura deitu du, bikotekideak jo egin duela salatzeko. Biktimak adierazi duenez, etxeko komunean ezkutatuta zegoen eraso gehiago ekiditeko.

Ertzaintzaren patruila bat etxebizitzara gerturatu da eta etxeko atea inork irekitzen ez zuela ikusita, suhiltzaileei deitu die. Azkenean, irekita zegoen leiho batetik sartu dira etxean.

Emakumeak adierazi duenez, eztabaida izan du bikotekidearekin eta hark jo egin du. Hainbat golpe zituen emakumeak aurpegian. Ertzaintzak gizonezkoa atxilotu du. Erasotzaileak hatz aizto batekin egindako zauria zuen hatz batean. Antza, bere burua defendatzeko egin dio zauriak emakumeak.

Epailearen aurrera eramango dute gaur gizonezkoa.

Hau zure interesekoa bada, baliteke beste gai hauek ere izatea
Tratu txarrak gaur