Gizartea -
Larunbat honetan
13 lagun atxilotu dituzte Zaragozan Poliziarekin izandako liskarretan
Gainera, bost polizia zauritu dira. Kontzertu batetik irtetean, hainbat ultraeskuindarreri eraso egin diete kontrako ideologia duten zenbait pertsonek.
Erredakzioa
Hamahiru lagun, horietako bi adingabe, atxilotu dituzte, eta bost polizia zauritu dira bart Zaragozan Poliziarekin izandako liskarretan. Talde ultraeskuindar batek antolatutako kontzertu batean ostean, hartan bildutako lagunen aurka egin du talde ultraezkertiar batek.
Polizia Nazionalak jakitera eman duenez, Mugimendu Sozial Errepublikanoak antolatutako kontzertuak ez zuen administrazio publikoen baimenik. Musika-emanaldia 19:00etan hasi da, Compromiso de Caspe kaleko 83. zenbakiko eraikin batean egin dute, eta horren bitartean, ez da aparteko jazoerarik izan.
Poliziak azaldu duenez, 23:45ak aldera bertan bildutakoak eraikinatik ateratzen hasi dira. Egoera kontrolatzeko hainbat polizia zeuden kanpoaldean. Orduan, faxismoaren aurkako ideologia duten 150 lagunek, makilaz, harriz eta galtzada-harriz lagunduta, Poliziaren aurka egin dute. Talde hura gertuko kaleburu batetik heldu da, iturri berdinak jakinarazi duenez.
Erasoen ondorioz, bost polizia zauritu dira, horietako bat larri. Gainera, bost ibilgailu partikularrek eta hainbat polizia-autok kalteak jasan dituzte.