Gizartea -
Zirkulazioa
Hil egin da astelehenean Erratzun istripua izan zuen emakumea
Biktimak (66 urtekoa eta Zugarramurdiko bizilaguna) kolpea jaso zuen buruan. Nafarroako Ospitalean hil da.
Erredakzioa
Astelehen gauean Erratzun zirkulazio istripua izan zuen eta oso larri zauritu zen emakumezkoa hil egin zen atzo arratsaldean, Nafarroako Ospitalean.
Foru Gobernuak azaldu duenez, ezbeharra astelehen iluntzean jazo zen, 20:48an, N-121-B errepidearen 56,4. kilometroan, Iparralderako noranzkoan. Biktimaren autoa bidetik atera zen eta harrizko horma bat jo zuen.
Emakumeak (66 urtekoa eta Zugarramurdiko bizilaguna) kolpea jaso zuen buruan, eta, ondorioz, konortea galdu zuen.
Osasun langileek istripua izan zen lekuan bertan artatu zuten, eta, ondoren, Nafarroako Ospitalera eraman behar izan zuten.