'Bizitzaren aldeko' erakundeek 'abortuaren dramaren' aurka egin dute

Milaka pertsona manifestatzen ari dira Madrileko erdigunean, Bizitza Bakoitzak Inportatzen du Plataformak (abortuaren kontrako 40 bat erakundek osatzen dute) deituta, Bizitzaren, emakumearen eta amatasunaren alde lelopean.

Elkarteen arabera, lau milioi familia inguru ordezkatzen dute eta, haien ustean, politikariek “abandonatu egin dute” bizitzaren defentsa. Halere, zenbait politikarik martxan parte hartu dute, esaterako, Esperanza Aguirre Madrileko PPren alkategaiak eta Jaime Mayor Oreja Barne ministroak.

Aldarrikapenean parte hartzeko deia egin dutenen artean Familiaren Foroa dago eta, Benigno Blanco horren presidenteak, hedabideen aurrean esan duenez, espero du Espainian “abortuari buruzko isiltasun harresia ez eratzea. Gizartean dagoen drama da eta ezin gara horretara ohitu”.

Blancok, gainera, PPk Kongresuan egindako proposamenaren inguruan ere hitz egin du (16 eta 17 urteko adin txikikoek gurasoen baimenik gabe abortatu ahal izateko), hori baita Gobernu sozialistek egindako legearen gainean proposatutako aldaketa bakarra.

Familiaren Foroaren ordezkariaren esanetan, Jose Luis Rodriguez Zapatero Gobernu espainiarreko presidentek ohiak egindako legea “ia bere horretan” uzten du PPk eta “ez du inolaz ere legea aldatzeko konpromisoa” betetzen.

Horren haritik, Luis Carbonel Familien Gurasoen eta Ikasleen Konfederakunde Katolikoko presidenteak esan duenez, abortuak “ezin du inoiz eskubide izan” eta Gobernuak “engainatua” sentitzen da.

Martxa bukatutakoan minutu bateko isilunea egingo dute, Espainian urtean egiten diren 100.000 abortuak direla eta, testigantzak ere entzungo dituzte eta agiri bat irakurriko dute.