Gizartea -
Villena
Jaioberri baten hilotza topatu dute Alacanteko zabortegi batean
Poliziak ikerketa abiarazi du zein herritik eraman zuten zehazteko eta autopsiaren zain daude orain, heriotza zerk eragin zuen argitzeko.
Erredakzioa
Guardia Zibilak ikerketa abiarazi du jaioberri baten -gizonezkoa- heriotzaren nondik norakoak argitzeko, atzo, astelehena, 14:00ak aldera zabortegiko langile batek topatu eta gero, Villena herri alacantarrean.
Ikerketak zein herritik eraman zuten zehazteko helburua du, zabortegiak herri askotako zarama biltzen baitu, auzia ezagutzen duten zenbait iturrik EFEri jakinarazi dionez.
Langileak aurkikuntzaren berri eman zion Guardia Zibilari eta 17:00-18:00etan, gorpuaren altxamendua burutu zuten. Ondoren, Alacanteko Medikuntza Legaleko Institutura eraman zuten, Poliziaren arabera.
Agenteek ikerketa zabalik mantendu dute eta autopsiaren zain daude orain, heriotza zerk eragin zuen argitzeko.
Informacion egunkariak argitaratu duenez, gorpua kasualitatez topatu zuten, zabortegiko lekurik altuenean, zabor artean.