Emakume bat hilda aurkitu dute Madrilen eta bikotekidea atxilotu dute

Guardia Zibilak 41 urteko emakume bat hilda aurkitu du Villaviciosa de Odon udalerrian, Madrilen, eta segurtasun indarrek haren bikotekidea, 42 urteko gizon bat, atxilotu dute.

Bikotearen etxean bertan atxilotu dute gizonezkoa, biktimak labankadak zituela ikusita, hura hil izana egotzita.

Larrialdi zerbitzuek dei bat jaso dute goizaldean, 03:45 inguruan, eta haren etxera heldu direnean, emakumea hilda aurkitu dute. Bularrean bi labankada zituen.

Atxilotuak ez zuen aurrekaririk, ez eta salaketarik edo urruntze agindurik. Antza, edan egin zuen eta, etxera heldu zenean, eztabaida izan zuen bikotekidearekin. Emakumea hil ondoren, 112ra deitu du, lehen ikerketen arabera.

Polizia Judizialak eta Guardia Zibilak ikerketa ireki dute gertatutakoa argitzeko.