Zazpi urteko bi haur larri daude auto batek harrapatuta, Altsasun

Zazpi urteko bi ume zauritu dira Altsasun (Nafarroa), ibilgailu batek harrapatuta, Nafarroako Gobenuak ohar baten bidez jakinarazi duenez.

Istripua 13:24ean jazo da, Ferialdeko kalean, 25. zenbakiaren parean. Handik hurbil umeentzako hainbat karpa eta atrakzio daude.

Adingabetako batek traumatismo anitz ditu: bi hankak apurtu ditu. Ondorioz, helikoptero batek Nafarroako Ospitalera eraman du. Bigarren haurrak zenbait zauri ditu, eta Altsasuko suhiltzaileen anbulantzia batek Nafarroako Ospitalera ere eman du.

Aipatutako anbulantziaz eta helikopteroaz gai, guardian zegoen mediku-taldea eta Udal Polizia mobilizatu ditu Nafarroako SOS zerbitzuak. Gainera, Altsasuko Polizia-etxeko hainbat patruila eta Iruñeko Argiketa Taldea bidali ditu bertara, xede izanik jazoeraren nondik norakoak argitzea.