Gizartea -
LAN ISTRIPUA
Hil egin da Zumarragan 12 metrotik behera erori den langilea
Arcelor Mittalen plantan gertatu da lan istripua, 11:00ak inguruan. Eraikinaren teilatutik erori da. Bertaratu diren osasun arduradunek langilea suspertzea lortu duten arren, azkenean hil egin da.
EITB.EUS
39 urteko langile bat hil da gaur goizean Zumarragan, 12 metrotik behera erorita. Arcelor Mittal enpresak herri horretan duen plantan izan da ezbeharra, 11:00ak inguruan. Eusko Jaurlaritzako Segurtasun sailak jakitera eman duenez, eraikinaren teilatutik behera erori da, zergatik ez dakitela.
Osakidetzako langileek lekuan bertan artatu dute langilea, eta suspertzea lortu badute ere, azkenean, lekuan bertan zendu da.