Gizartea -

Gastronomia

Donostiak World Cheese Awards lehiaketa hartuko du 2016an

Gazten nazioarteko lehiaketa garrantzitsuena da eta 35 herrialdetako 3.000 ekoizle baino gehiago ekarko ditu Gipuzkoako hiriburura.

Gaztarik onenen World Cheese Awards 2016 Donostian emango dira

1:07

AGENTZIAK | ERREDAKZIOA

Whatsapp Facebook Twitter Telegram Email

Donostiak gazten nazioarteko lehiaketa garrantzitsuena hartuko du 2016ko azaroan: World Cheese Awards. Horretan, 35 herrialdetako 3.000 ekoizlek baino gehiagok hartuko dute parte.

Ekimena Artzai Gaztea elkarteak antolatuko du, eta Eusko Jaurlaritzak babesa agertuko dio. Basque Culinary Centerren egingo dute, Euskadi-Basque Country International Cheese Festival jaialdiaren baitan.

Lehiaketan, 250 aditu Donostiara bertaratuko dira, epaile lanak egiteko.

Ekimena “topagunea” izango da ekoizleentzat, erosleentzat.

Lehen egunean, World Cheese Awards sariak emango dituzte, Tabakaleran, eta gala-afari bat eskainiko dute San Telmo Museoan.

Bigarren eguna profesionalei zuzenduta egongo da, eta, bigarrena, herritarrei.

Ikasleentzako lehiaketa gastronomiko bat ere egingo dute, euskal gazten erabilera sustatzeko.

Hau zure interesekoa bada, baliteke beste gai hauek ere izatea
Gastronomia Donostiako informazioa Gaurko albisteak Gipuzkoa Donostia 2016 EAE albisteak Gaurko azken ordukoa