Gizartea -
Herriaren defendatzailea
Arartekoaren lanari ekin dio berriro Lezertuak, osatuta
Ekainean, izendatu eta lau egunera, tumore bat atzeman zioten birika batean.
agentziak | erredakzioa
Manu Lezertuak Arartekoaren lanari ekin dio berriro, "osasun emaitza onak" jaso ostean. Izan ere, ebakuntza egin zioten uztailean, birika batean atzeman zioten tumorea kentzeko.
Lezertuak berak sinatu du gaur Euskal Herriko Agintaritzaren Aldizkarian kaleratutako "erabakia, arartekoa aldi baterako kanpoan zegoen bitartean bere ondokoak ordezkatuko zuela zioen ebazpena indarrik gabe uztekoa".
Lezertuak ekainaren 18an hartu zuen herriaren defendatzaile izateko ardura, Iñigo Lamarcaren ordez. Lau egun geroago, ekainaren 22an, baina, ospitalera joan zen, belauneko mina zuelako. Medikuek hainbat froga egin zizkioten, eta tumore bat aurkitu zioten birika batean.
Ordutik gaur arte, Julia Hernandez Arartekoaren ondokoak bete ditu arartekoaren funtzioak.