Gizartea -
'Zamorakoa izan behar zinen!'
Identifikatu egin dute autoaren gainean furgoneta bat zeraman gidaria
Entzute handia lortu duen bideo bati esker, Segoviako Poliziak arau-haustea egin duen gizona aurkitu du, baina ikerketari eutsi dio, pertsona baten baino gehiagoren laguntza izan zuela uste baitu.
Agentziak | Erredakzioa
Segoviako Udaltzaingoak identifikatu egin du autoaren gainean furgoneta bat garraiatu zuen gidaria, beste pertsona batek grabatutako bideoa Interneten lau haizetara zabaldu eta gero.
Udaletik EFEri jakinarazi diotenez, irudiotan Hontoriako (Segovia) industrialdea agertzen da, eta bertan furgoneta autoaren gainean ikus daiteke. Bideoa grabatzen duenak esaten dio: "Zamorakoa izan behar zinen!".
Aipatutako iturrien arabera, pertsona bat baino gehiago identifikatu dute eta, adierazi duenez, Udaltzaingoak ikerketa zabalik dauka, ekintzaren egile gehiago ote dauden argitzeko, kontuan hartuta ez batek eta bi pertsonek ere ez ezin dutela auto bat bestearen gainean igo, eta, halabeharrez, kolaboratzaileak izan behar dituztela.
Hala, ahalik eta proba gehien batzen saiatzen ari dira, epaileari entregatzeko, zirkulazioaren kontrako delituren bat egin ote zuten zehaztu dezan.