Gizartea -
Zirkulazioa
Gizonezko bat hil da Elorrion, auto batek harrapatuta
Bizkaiko udalerri horretako saihesbidean gertatu da ezbeharra.
eitb.eus
77 urteko gizonezko bat hil da gaur goizean Elorrioko (Bizkaia) saihesbidean, auto batek harrapatuta, Eusko Jaurlaritzaren Segurtasun Sailak eitb.eus-i jakitera eman dionez.
Ezbeharra 08:45 aldera gertatu da, N-636 errepidean, oraindik argitzeke dauden arrazoiak direla medio.
Anbulantzia medikalizatu bat bertaratu da, baina ezin izan dute biktima suspertu.
