Gizartea -
Iruñea
Gizon bat atera dute hipotermiak jota Arga ibaitik, Iruñean
Suhiltzaileek atzo 22:20 aldera atera zuten uretatik gizona, eta anbulantzia medikalizatu batean eraman zuten, hipotermia larriak jota.
agentziak | erredakzioa
Gizon bat Arga ibaira erori zen atzo gauean Iruñean, Plazaola zubitik gertu, eta hipotermia larria zuela erreskatatu zuten suhiltzaileek, Nafarroako Gobernuak jakitera eman duenez.
Espainiako Poliziako agenteek 22:08 aldera eman zieten abisua Nafarroako larrialdi zerbitzuei, gizon bat ibaian, adar batzuei helduta, ezin atera zegoelako.
Iruñeko suhiltzaileak bertaratu ziren, eta zailtasunak izan zituzten arren, 22:20 alderako atera zuten gizona uretatik.
Anbulantzia medikalizatu batean eraman zuten Nafarroako Ospitalera, hipotermia larriak jota.
Hau zure interesekoa bada, baliteke beste gai hauek ere izatea