Gizartea -
GERTAKARIA
Aurkitu egin dute Ortuellan desagertutako 86 urteko gizonezkoa
Ortuellan bertan agertu da, meatze-zona batean, eta ospitalera eraman dute. Alzheimerra du gizonak, eta atzo arratsaldetik falta zen.
AGENTZIAK | ERREDAKZIOA
Aurkitu egin dute Ortuellan desagertutako 86 urteko gizona, Ertzaintzak eitb.eus-i baieztatu dionez. Zehazki, Ortuellako Cadegal meatze-zonan aurkitu dute. Ondoren, Gurutzetako ospitalera eraman dute, hipotermia sintomak baitzituen.
Atzo arratsaldean, 15:00ak inguruan, atera zen gizona etxetik, eta ez zen itzuli, Eusko Jaurlaritzako Segurtasun Sailak jakitera eman duenez. Etxeratzen ez zela ikusita, haren senideek eman zioten abisua Ertzaintzari.
Gurutze Gorriko, DYAko eta Babes Zibileko kideak ere aritu dira, Ertzaintzaren batera, bilaketa lanetan.