Gizartea -
Heriotza
Vicente Zaragueta hil da
Gipuzkoako Ozeanografia Elkarteko presidentea Donostian hil da, 89 urte zituela. Asteazken honetan egingo diote hileta.
Erredakzioa
Vicente Zaragueta Gipuzkoako Ozeanografia Elkarteko presidentea hil da astelehen honetan Donostian, 89 urte zituela, hainbat komunikabidek jakitera eman dutenez.
Izatez ozeanografoa, Donostiako Aquariumeko zuzendaria izan zen Zaragueta. Horrekin batera, Eusko Ikaskuntzako eta Euskalerriaren Adiskideen Elkarteko kide ere izan zen, eta baita Diario Vasco egunkariko presidenteorde ere.
2011ko Aieteko Bake Konferentziaren sustatzaileetako bat izan zen, eta sari ugari jaso zituen, tartean Jose Mari Korta saria, hain juxtu ere arlo horretan egindako lanagatik.
Asteazken honetan egingo diote hileta, Donostian.