Gizartea -
Erosketak interneten
EAE, internet bidezko salmenta portzentaje handiena duen erkidegoa
Balear Uharteetako Gobernuak egindako txosten baten arabera, EAEko herritarren % 57k interneten erosketak egin dituzte noizbait.
AGENTZIAK | ERREDAKZIOA
Euskal Autonomia Erkidegoko (EAE) herritarren % 57k interneten erosketak egin dituzte noizbait, eta EAE da internet bidezko salmenta portzentaje handiena duen autonomia erkidegoa.
Balear Uharteetako Gobernuko Garapen Teknologikorako zuzendaritzak zabaldutako datuen arabera, EAE dago zerrenda horren buruan Madrilgo autonomia erkidegoaren (% 56,2), Nafarroaren (% 56) eta Kataluniaren (% 55,7) aurretik. Bestalde, zerrenda horren azken postuan kokatuta daude Kanariar Uharteak (% 39,6) edota Andaluzia (% 40,1).
Informazioaren Gizartearen Balear Uharteetako Behatokiak egindako azken ikerketan jaso dituzte aipaturiko datuak.
Espainiako Estatistika Institutuak estatu espainiarreko etxebizitzatan dauden Informazioaren eta Komunikazioaren Teknologiei buruz 2015ean egindako inkesta baliatu dute txostena egiteko.