Gizartea -

Prentsaurrekoa

Euskal pentsiodunek osagarriaren aldeko sinadurak bilduko dituzte

Pentsiodunen plataformek erakunde publiko bat sortzea proposatu dute, pentsioen kudeaketa osoa, babes soziala eta dependentzia lan egiteko.

Astearte honetako prentsaurrekoaren irudia. Argazkia: LAB.
Astearte honetako prentsaurrekoaren irudia. Argazkia: LAB.
Astearte honetako prentsaurrekoaren irudia. Argazkia: LAB.

Agentziak | Erredakzioa

Whatsapp Facebook Twitter Telegram Email

Gizarte-eskubideen aldeko Euskal Herriko pentsiodunen plataformek aurreratu dute sinadurak bilduko dituztela, "milaka", zeren eta galdegin nahi baitute pentsio txikienek 1.080 eurorainoko osagarria izatea; hain zuzen, Eusko Legebiltzarreko Mahaiak baztertu du "pentsio duinen" aldeko Herri Ekimen Legegilea. Aipatutako plataformek, halaber, proposatuko dute erakunde publiko bat sortzea, pentsioen kudeaketa osoa, babes soziala eta dependentzia lan egiteko.

Bilbon emandako prentsaurrekoan, Euskadi eta Nafarroako plataformek gogorarazi dute azaroaren 23an aurkeztu zituztela Legebiltzarrean Ekimena; haren xedea "zen eta bada legezko eta justifikatutako ibilbidea egitea pentsio txikiek 1.080 eurorainoko osagarria izatea; hala, pentsiodun guztiek diru-sarrera duinak izango lituzkete".

Halaber, eskatu dute erakunde publikoa sortzea, pentsioak, babes soziala eta dependentzia kudeatzeko. Haien iritziz, osagarriak eta kudeaketa hurbila "erabat justifikatuta" daude; izan ere, 2011tik "hainbat erreforma handi jasan dituzte, txartu dituzten erreformak, izozten ari dira, eta etorkizunerako, ez dakigu noiz arte, haien hazkundea ez da % 0,25koa baino handiagoa izango, KPI gorabehera".

Halaber, salatu dute Kutxa Bakarreko erreserba-funtsak % 50 egin du behera 2011tik, eta ez dagoela argi zer dela-eta jazo den hori. Esan dutenez, "ez dago gardentasunik, ez dago justifikatuta zergatik desagertu diren baliabideak eta krisia ez da egiazko arrazoia; hortaz, ez dugu Madrilengan konfiantzarik, eta kudeaketa osoa hurbilagoa izatea eskatzen dugu".

Hau zure interesekoa bada, baliteke beste gai hauek ere izatea
Gaurko albisteak Nafarroan EAE albisteak Gizartea Ekonomia albisteak Pentsioei buruzko albisteak