Gizartea -
Eguraldia
Elur-maila 400 metrotan izango da ostiral honetan, Nafarroan
Nafarroako Gobernuak elurra kentzeko 47 makina aterako ditu errepideetara arazoak ekiditeko asmoz.
AGENTZIAK | ERREDAKZIOA
Datozen orduetan elur-maila 400 metrotaraino iritsiko dela eta, elurra kentzeko 47 makina izango dira Nafarroako errepideetan lanean, ostiral honetako goizeko 05:00etatik aurrera.
Elurra kentzeko makinak AP-15 autobidean eta Sakanako ( A-10), Leitzarango (A-15) eta Pirinioko (A-21) autobiatan izango dira, baita Iruñea eta Behobia lotzen dituen N-121-A eta Baztan eta Ipar Euskal Herria lotzen dituen N-121-B errepideetan ere.
Horrez gain, elurra kentzeko makinak ondoko mendateetan izango dira: Artesiaga, Belate, Egozkue, Erro, Ibañeta, Lerga, Lizarraga, Loiti, Markalain, Meano, Mezkiritz, Aralarreko San Miguel, Urbasa eta Urkiaga. Era berean, Goñi, Ultzama eta Pirinioko harenetan izango dira.
Nafarroako Gobernuak arreta handiz gidatzeko deia egin die herritarrei, Nafarroa iparraldean elur-maila 800-900 metrotatik 400 metroraino jaitsiko delako ostiral honetan.
