Gizartea -
Berdintasuna
Getxoko Udalak maskulinitateari buruzko tailer bat eskainiko du
Tailerra gizonentzat zuzenduta izango da, ikuspegi feminista batetik.
AGENTZIAK | ERREDAKZIOA
Getxoko Udalak feminismoari eta maskulinitateari buruzko tailer bat eskainiko du otsailean eta martxoan, gizonei zuzenduta.
Tailerra Norma Vazquez psikologoak zuzenduko du, eta maskulinitatea jorratuko du, baina ikuspegi feministatik. Sentimenduak, oldarkortasuna, indarkeria, kontrola, aitatasuna, zaintza eta "borroka bateratua" ere hizpide izango dituzte.
Saioak otsailaren 2an, 9an eta 23an, eta martxoaren 1ean, 8an eta 15ean egingo dituzte, Martikoena kaleko Ahalduntze Eskolan, 19:00etatik 21:00etara.
Izena emateko, Udalaren webgunera jo beharra dago, eta formularioa bete.
Tailerraren prezioa 5 eurokoa da.