Bi lagun intoxikatu dira Bilbon, etxebizitza batean izandako sutean

Emakume bat eta gizon bat artatu behar izan dituzte bart Bilbon, etxebizitza batean sutea izan ondoren, Eusko Jaurlaritzako Segurtasun Sailak jakinarazi duenez.

Sua 03:15 aldera piztu da, San Adrian etorbideko etxebizitza batean. Bertan bizi diren bi lagunak, 57 urteko gizon bat eta 50 urteko emakume bat, ondoezik sentitu dira, kea arnastu eta gero, eta Basurtuko Ospitalera eraman dituzte.

Suteak etxebizitza horretan bakarrik egin ditu kalteak, eta ez dute eraikina hustu behar izan.

Suhiltzaileek amatatu dituzte garrak.